بیجنگ:چین میں ایک کمپنی نے اپنی حاملہ ملازمین سے چھٹیوں کے معاملے پر عجیب و غریب مطالبہ کردیا۔
غیرملکی میڈیا کے مطابق کمپنی کی 3 خواتین ملازمین کو میٹرنٹی چھٹیوں کی ضرورت پڑی تو کمپنی کو یہ ناگوار گزرا۔
جب کمپنی کے سینئر ایگزیکٹیوز کو اس کا علم ہوا تو انہوں نے ان خواتین کے ساتھ میٹنگ کی اور انہیں بتایا کہ کمپنی میں اسٹاف کی کمی کے باعث ہونے والی پریشانی کو کم کرنے کے لیے انہیں الگ الگ وقت میں حاملہ ہونا چاہیے۔
رپورٹس کے مطابق ایک اعلی عہدے پر کام کرنے والے نے خواتین سے کہا کہ آپ لوگوں کو حاملہ ہونے کے لیے باریاں لینی چاہئیں۔چینی اخبار کے مطابق اس خبر کے سامنے آنے کے بعد سوشل میڈیا پر کمپنی کو تنقید کا نشانہ بنایا جا رہا ہے۔
