میانوالی : ملک کے مختلف علاقوں میں طوفانی ہوائوں اور بارشوں کے دوران میانوالی میں دیوار گرنےسے 4 بچے جاں بحق جبکہ 3 زخمی ہو گئے۔سرگودھا میں طوفان سے پینافلیکس اوربورڈزاکھڑ گئے۔
تفصیلات کے مطابق میانوالی کے نواحی علاقے نمل چکڑالہ میں طوفان کے باعث گھر کی دیوار گرگئی ملبے تلے دب کر چار بچے جاں بحق اورتین زخمی ہوگئے۔ بچے گلی میں جارہے تھے اس دوران دیوار گرگئی ،لاشوں اور زخمیوں کو اسپتال منتقل کردیا گیا۔
ادھر پشاورشہرمیں تیزآندھی وطوفان سے پینافلیکس اوربورڈزاکھڑنے گئے۔ سرگودھا، ملتان، ڈیرہ اسماعیل خان اورعیسیٰ خیل میں گرج چمک کیساتھ بارش سے گرمی کا زور ٹوٹ گیااورموسم خوشگوارہوگیا۔
محکمہ موسمیات کے مطابق بارشوں کا سلسلہ آئندہ چوبیس گھنٹوں تک جاری رہنے کا امکان ہے۔
