گوجرہ: پنجاب کے مختلف شہروں کمالیہ اور گوجرہ میں فلور ملز کے گوداموں پر چھاپوں کے دوران گندم کی 2600بوریاں اور8ہزار سے زائد تھیلے برآمدکر لیے گئے ہیں۔
کمالیہ میں چھاپے کے دوران 2گوداموں سے 2600سے زائد گندم کی بوریاں جبکہ گوجرہ میں مقامی فلور ملز کے گوداموں سے 8000ہزار سے زائد 50کلو والے گندم کے بیگ برآمد ہوئے ہیں۔
اسسٹنٹ کمشنر نے گوجرہ میں خفیہ اطلاعات پر کارروائی کرتے ہوئے مقامی فلور ملز کے گودام سے 8000 ہزار سے زائد 50 کلو والے گندم کے بیگ برآمد کر لیے، جس کے بعد گودام سیل کر دیا گیا ہے۔
اُدھر کمالیہ شہر میں بھی ضلعی انتظامیہ نے 2مختلف گوداموں میں ذخیرہ کی گئی 2600 گندم کی بوریاں برآمد کر لیں۔ گوداموں کو کارروائی کے بعد سیل کر دیا گیا ہے، گندم کو مرکزخرید میں جمع کروا دیا گیا ہے۔
