اسلام آباد: پیپلز پارٹی کے چیئر مین اور وزیر خارجہ بلاول زرداری نے کہا ہے کہ تحریک انصاف کے چیئر مین عمران خان کے دور میں جتنا ظلم مزدوروں، کسانوں اور تنخواہ دار طبقے پر ہوا، ملکی تاریخ میں پہلے کبھی نہیں ہوا، عمران خان نے پاکستان میں مہنگائی، بے روزگاری اور غربت کے نئے ریکارڈ قائم کیے۔
بلاول نے کہا کہ پی ٹی آئی چیئر مین کی اپنے اے ٹی ایمز اور امیر طبقات کو نوازنے والی پالیسیوں کا خمیازہ اب ملک بھگت رہا ہے، معاشرے کی ریڑھ کی ہڈی محنت کش ہیں، آج کا دن شکاگو کے شہیدوں کو خراجِ عقیدت اور پاکستان کے محنت کشوں کو سلام پیش کرنے کا دن ہے۔
