اسلام آباد: وفاقی وزیر اطلاعات و نشریات مریم اورنگزیب نے پاک فضائیہ کے پاس آئوٹ ہونے والے افسران، ان کے والدین اور اساتذہ کو مبارکباد پیش کرتے ہوئے کہا ہے کہ ارض پاک کی فضائی سرحدوں کے پاسبانوں میں نئے دستوں کا اضافہ خوبصورت مرحلہ ہے۔
جمعہ کو اپنے ٹویٹ میں انہوں نے کہا کہ ارض پاک کی فضائی سرحدوں کے پاسبان پاک فضائیہ کے شاہینوں کی صفوں میں تربیت یافتہ نئے دستوں کی شمولیت اور دفاع وطن کی ذمہ داری اگلی نسل کو منتقل ہونے کا خوبصورت مرحلہ ہوتا ہے۔ رسالپور اکیڈمی ایک قابل فخر تاریخی درس گاہ ہے، پاس آئوٹ ہونے والے افسران، ان کے والدین ، اساتذہ اور پاکستان کو مبارک ہو۔
