اسلام آباد:تحریک انصاف ( پی ٹی آئی ) کے مرکزی رہنما چوہدری پرویز الہی نے کہا ہے کہ ن لیگ کی قیادت نے آج تک عقل کی بات نہیں کی ہے، یہ جب بھی اقتدار میں آئے ہیں عوام کی توہین ہی کی ہے۔
چوہدری پرویز الہی نے کہاکہ مہنگائی کی وجہ سے غریب کا جینا محال ہوگیا ہے، حکومت مہنگائی پر قابو پانے میں ناکام ہوگئی ہے، لوگ دو وقت کی روٹی کیلیے ترس گئے ہیں۔
انہوں نے کہاکہ حکومت بیان بازی کرنے کے بجائے عوام کو سہولیات دینے کیلیے عملی اقدامات کرے، حکومت کے وزراء کو لوگوں کی کوئی فکر نہیں ہے، ہر وزیر اپنی عیاشی اور کرپشن بچانے کیلیے جہدوجہد کررہاہے۔
