اسلام آباد:شنگھائی آٹوموبائل شو 2023 میں گلوبل انڈسٹڑی کے زائرین جدید ترین گاڑیوں کے شاندار ماڈلز کو دیکھ کر حیران ہیں، مختلف فنکشنز کا تجربہ اور جدید ٹیکنالوجیز کے بارے میں جانکاری کے خواہاں ہیں۔
گوادر پرو کے مطابق نیئر چوہدری جن کا چین کے ساتھ کام کرنے کا 20 سال سے زیادہ کا تجربہ ہے، انہو ں نے آٹو شو میں آٹو انڈسٹری کی انٹیلیجنٹ اور جدیت کاری کی ترقی کو دیکھا۔
انہوں نے امید ظاہر کی کہ اس پلیٹ فارم سے فائدہ اٹھاتے ہوئے مزید چینی الیکٹرک گاڑیوں خاص طور پر چھوٹی کاروں اور ان کے پرزہ جات بنانے والے مینوفیکچررز کے ساتھ شراکت داری قائم کریں گے۔
گوادر پرو کے مطابق پاکستان کی قومی معیشت کے ایک ستون صنعت کے طور پر آٹوموبائل انڈسٹری ہر گزرتے دن کے ساتھ ترقی کر رہی ہے۔
گوادر پرو کے مطابق گاڑیوں کے زمرے کے لحاظ سے ایندھن سے چلنے والی گاڑیاں، بیٹری الیکٹرک وہیکلز (بی ای وی)، پلگ ان ہائبرڈ ای ویز(PHEV) وغیرہ کو اپ گریڈ کیا گیا ہے تاکہ صارفین کو زیادہ آگاہی اور انتخاب کا موقع ملے۔ برانڈز کی مسلسل آمد نے بھی اعلی ٹیکنالوجی کے استعمال اور ترقی کو آگے بڑھایا ہے۔
گوادر پرو کے مطابق نئیر نے کہا دنیا کی سب سے بڑی آٹو مارکیٹ کے طور پر، چین نئی انرجی گاڑیوں کی پیداوار، تحقیق اور ترقی میں کسی بھی دوسرے ملک سے کہیں زیادہ ترقی یافتہ ہے۔
چین کے ساتھ شراکت داری پاکستان کی آٹو انڈسٹری کو ترقی دینے اور نئے مواقع تک رسائی حاصل کرنے کا بہترین راستہ ہے۔گوادر پرو کے مطابق شنگھائی آٹو شو 2023نیئر اور دنیا بھر کے ڈیلرز کے لیے آٹو انڈسٹری میں نئے رجحانات کو سمجھنے کا بہترین موقع فراہم کرتا ہے۔
یہ عالمی آٹو مارکیٹ میں اعتماد کو بڑھا رہا ہے۔ آٹو شو کا تھیم “آٹو موبائل انڈسٹری کے نئے دور کو اپنانا” ہے اور اس نئے دور کی نمایاں خصوصیات گاڑیوں کے ڈیزائن کے مزید اختیارات اور نئی توانائی کی طرف منتقلی ہیں۔
گوادر پرو کے مطابق دنیا کے سب سے بڑے اور بااثر بین الاقوامی اے کلاس آٹو شو میں اپنے نئے ماڈلز کی نمائش کرنے والی تمام بڑی کار کمپنیاں اس رجحان پر توجہ دے رہی ہیں۔
گوادر پرو کے مطابق چیری آٹوموبائل، ایک چینی آٹو برانڈ جس نے 1999 میں نئی انرجی ٹیکنالوجی کے میدان میں مشغول ہونا شروع کیا، اس نے یہاں پر تھرڈ جنریشن پی ایچ ای وی ٹیکنالوجی جاری کی، جو بجلی اور انٹیلیجنٹ کے دور میں مواقع کے سامنے اپنے جدید ترین ترقی کے راستے کو ظاہر کرتی ہے۔
گوادر پرو کے مطابق پاکستان میں چیری آٹوموبائل کے کنٹری ڈائریکٹر سونگ ہوافو نے وضاحت کی کہ چیری کا تھرڈ جنریشن ہائبرڈ پلیٹ فارم فیفتھ جنریشن کے ایکٹیکو ہائی ایفیشینسی ہائبرڈ ڈیڈیکیٹڈ انجن کو اپناتا ہے، جو ڈیپ ملر سائیکل، i-HEC چوتھی جنریشن کمبشن سسٹم جیسی جدید ٹیکنالوجیز کو مربوط کرتا ہے۔
اعلی کارکردگی والا ٹربو چارجر، انٹیلیجنٹ تھرمل مینجمنٹ سسٹم وغیرہ۔ انہوں نے اس بات پر زور دیا کہ اس کی بھرپور طاقت موثر تھرمل کارکردگی کو 44.5 فیصد سے زیادہ تک پہنچا سکتی ہے، جو اسے چینی مارکیٹ میں سب سے زیادہ موثر ہائبرڈ انجن بناتی ہے۔
گوادر پرو کے مطابق80 سے زیادہ ممالک کے 1,000 سے زیادہ غیر ملکی مہمان چیری کے بوتھ پر جمع ہوئے تاکہ نئی توانائی میں جدید ترین تکنیکی کامیابیوں کو مشترکہ طور پر تخلیق اور ان کا اشتراک کریں، اور عالمگیریت کے ایک نئے ٹریک میں داخل ہونے کے چیری کے وڑن کو مشترکہ طور پر فروغ دیں۔
وہ او ایم او ڈی اے( OMODA )برانڈ کے پہلے خالص الیکٹرک ماڈل، OMODA 5 e-QUA، JAECOO 7 اور JAECOO 9 سے متاثر ہوئے، جن کی اس سائٹ پر نقاب کشائی کی گئی۔
چیری گروپ کے OMODA کے جنوبی ایشیا کے ریجنل ڈائریکٹر کیو جی نے انکشاف کیا کہOMADA او (JAECOO)جیکو اس سال کے میں آخر تک پاکستان میں بیک وقت شروع کیے جائیں گے۔
جنوبی ایشیا میں چیری کے لیے پاکستان کا ایک اہم اسٹریٹجک اسٹیشن ہونے کا ذکر کرتے ہوئے انہوں نے رپورٹر کو بتایا کہ اس وقت چیری پاکستان میں صارفین کی عادات پر تحقیق کر رہی ہے تاکہ تازہ ترین صورتحال کی روشنی میں اپنی مصنوعات میں مناسب بہتری لائی جا سکے۔
گوادر پرو کے مطابق پاکستان میں موجودہ چیلنجنگ معاشی حالات جیسے کہ مہنگائی اور بجلی کی قلت، درآمدی پابندیاں اور قدرتی آفات، گاڑیوں کی پیداوار اور فروخت میں رواں مالی سال کے دوران کمی واقع ہوئی ہے، آٹو انڈسٹری کا درجہ تیزی سے ترقی کرنے والی صنعتوں میں سے ایک ہے۔
ہایفونے کہا کہ پاکستان میں ہلچل نہیں آئی۔گوادر پرو کے مطابق انہوں نے نتیجہ اخذ کیاہمیں پاکستان کی مستقبل کی مارکیٹ پر مضبوط اعتماد ہے اور مقامی تعاون کے ساتھ مصنوعات اور خدمات کو بہتر بنانے کی ہماری کوششوں کے ذریعے پاکستان کی آٹو موٹیو انڈسٹری کی بھرپورترقی کی توقع رکھتے ہیں۔
