لاہور: پاکستان تحریکِ انصاف کے چیئرمین عمران خان کے زمان پارک گھر کیلئے نیا بلٹ پروف دروازہ تیار کر لیا گیا۔
رپورٹ کے مطابق سابق وزیر اعظم اور پی ٹی آئی کے چیئرمین اور سابق وزیر اعظم عمران خان کے گھر کا نیا دروازہ زمان پارک پہنچا دیا گیا ہے، عمران خان کے گھر کا نیا دروازہ بلٹ پروف ہے جس کو بلٹ پروف شیٹ، اسٹیل اور لوہے کا استعمال کر کے تیار کیا گیا ہے۔
ذرائع کے مطابق اس دروازے کی مالیت تقریبا 12سے 15لاکھ روپے ہے، اس خصوصی بلٹ پروف دروازے کو عمران خان کے گھر نصب یا جائے گا،یاد رہے کہ لاہور پولیس نے 18مارچ کو عمران خان کے گھر کے سرچ آپریشن کے دوران دروازہ توڑ دیا تھا۔
