بلوچستان میں خضدار قومی شاہراہ پر ٹریفک حادثے میں 5 پولیس اہلکار جاں بحق ہوگئے۔
ڈپٹی کمشنر خضدار کے مطابق حادثہ خضدار قومی شاہراہ پر شہدا چیک پوسٹ کے قریب مخالف سمت سے آنے والی مسافر کار اور ٹرک کے درمیان پیش آیا۔
حادثے میں 5 پولیس اہلکار جاں بحق جبکہ ایک زخمی ہو گیا جسے ہسپتال منتقل کر دیا گیا۔ ڈپٹی کمشنر کا کہنا ہے کہ اہلکار کوئٹہ میں ٹریننگ پر تھے اور عید کی چھٹیوں میں اپنے گھروں کو جارہے تھے۔
