اسلام آباد:اسپیکر راجہ پرویز اشرف نے سپریم کورٹ پریکٹس اینڈ پروسیجر بل سے متعلق سپریم کورٹ کے نوٹسز پر قومی اسمبلی کا ان کیمرا اجلاس طلب کر لیا۔
اجلاس جمعہ کو دوپہر اڑھائی بجے شروع ہوگا، قومی اسمبلی حکام کا کہنا تھا کہ اسپیکر نے پہلے سے جاری اجلاس کو ہی ان کیمرہ کر دیا ہے۔
نجی ٹی وی کے مطابق اجلاس میں ارکان قومی اسمبلی، وزرا اور مشیران کے علاوہ آرمی چیف جنرل عاصم منیر اور ڈی جی آئی ایس آئی خصوصی طورپر شریک ہوں گے۔
ذرائع کا کہنا تھاکہ عسکری حکام ملک کی سکیورٹی کو درپیش اندرونی و بیرونی چیلنجزپربریفنگ دیں گے۔
