لاہور : نگران وزیراعلی پنجاب سید محسن نقوی کی ہدایت پر مشیر کھیل پنجاب وہاب ریاض کی زیرنگرانی پہلی رمضان المبارک سپورٹس سیریز 2023ء کے مقابلے چوتھے روز بھی جاری رہے۔
نتائج کے مطابق لاہور ڈویژن نے پہلی رمضان المبارک سپورٹس سیریز2023ء ہاکی چیمپئن شپ جیت لی،فائنل میں لاہور ڈویژن نے فیصل آباد ڈویژن کو پنلٹی شوٹ آئوٹ پر 4-3سے شکست دی،فاتح ٹیم لاہور ڈویژن کو 25لاکھ روپے اور رنر اپ ٹیم فیصل آباد ڈویژن کو 15لاکھ روپے کی نقد انعامات دیئے گئے۔
لاہور ڈویژن کے کپتان نے فاتح ٹرافی وصول کی،فاتح ٹیم لاہور ڈویژن اور ان کے سپورٹرز نے منی ہاکی سٹیڈیم میں بھنگڑے ڈالے،مشیر کھیل پنجاب وہاب ریاض، سیکرٹری سپورٹس اینڈ یوتھ افیئرزپنجاب شاہد زمان،ڈی جی سپورٹس پنجاب ڈاکٹر آصف طفیل نے فائنل دیکھا۔
پہلی رمضان المبارک سپورٹس سیریز 2023ء میں ٹیبل ٹینس وومنز سنگلز کاٹائیٹل لاہورڈویژن نے جیت لیا،فائنل میں لاہور کی کلثوم خان نے لاہور ہی کی پرنیا خان کو 3-1سے شکست دی،فائنل سکور 7-11،11-9،11-9اور 11-9رہا،پہلی رمضان المبارک سپورٹس سیریز 2023ء میںٹیبل ٹینس منز سنگلز کاٹائیٹل لاہور ڈویژن نے جیت لیا،فائنل میں لاہور عاصم قریشی نے فیصل آباد کے حفیظ الرحمن کو 3-2سے شکست دی۔
فائنل سکور 11-9،11-4،6-11،8-11اور 11-9رہا،پہلی رمضان المبارک سپورٹس سیریز 2023ء میںبیڈمنٹن منز سنگلز کا ٹائیٹل گوجرانوالہ ڈویژن نے جیت لیا،فائنل میں گوجرانوالہ عظیم سرور نے ملتان کے جلیس کو 2-1سے شکست دی،پہلی رمضان المبارک سپورٹس سیریز 2023ء میںبیڈمنٹن وومن سنگلز کا ٹائٹل لاہور ڈویژن نے جیت لیا، فائنل میں لاہور کی غزالہ نے فیصل آبادکی زبیرہ کو 2-0سے شکست دی،فائنل سکور 21-18اور 21-6رہا۔
