اسلام آباد پولیس نے نیوزی لینڈ کرکٹ ٹیم کے دورہ پاکستان کے دوران کرکٹ ٹیم کو سیکورٹی فراہم کرنے سے معذرت کرلی۔
نجی ٹی وی کی رپورٹ میں ذرائع کے حوالے سے بتایا گیا ہےکہ اسلام آباد پولیس نے کرکٹ ٹیم کو سیکورٹی فراہم کرنے سے معذرت کرلی ہے اور مؤقف اختیار کیا ہے کہ اسلام آباد پولیس کو سیکورٹی کے لیے درکار وسائل مہیا نہیں کیے گئے۔
ذرائع کے مطابق سیکورٹی کے لیے وسائل اور اخراجات کی فراہمی پاکستان کرکٹ بورڈ (پی سی بی) کی ذمے داری ہے۔ پولیس ذرائع کا کہنا ہے کہ آٹا فراہمی، مردم شماری، رمضان ڈیوٹی پر نفری پہلے ہی مصروف ہے۔
