کراچی: پاکستان پیپلز پارٹی کے سینئر رہنما منظور وسان نے کہا ہے کہ شیخ رشید سسرال جانے کے بجائے پتلی گلی سے بھاگ گئے۔
ایک بیان میں منظور وسان نے کہا کہ عمران خان کی جیل بھرو تحریک فلاپ تحریک بن چکی ہے، خان صاحب جیل بھرو تحریک تم سے نہیں ہو پائے گی، عمران خان اور شیخ رشید نے کہا تھا کہ سب سے پہلے گرفتاری وہ دیں گے۔
ان کا کہنا تھا کہ شیخ رشیدسسرال جانے کے بجائے گاڑی میں بیٹھ کر پتلی گلی سے بھاگ گئے، عمران خان عدالتوں سے ضمانت لے کر ٹانگ پر جعلی پلستر لگوا کر چھپ کر بیٹھا ہے۔
منظور وسان کا کہنا تھا کہ عمران خان نے جن مقاصد کے لئے تحریک شروع کی کامیاب نہیں ہوں گے، اس تحریک میں چند کارکنوں کے سوا کوئی گرفتاری دینے نہیں نکلا۔ جن رہنماؤں نے گرفتاریاں دیں وہ ضمانتوں کے لئے درخواستیں دے رہے ہیں۔
