کراچی: پی ایس ایل کے آٹھویں ایدیشن میں کوئٹہ گلیڈی ایٹرز کو لاہور قلندرز کے ہاتھوں 63 رنز سے شکست ہوگئی۔
نیشنل بینک کرکٹ ارینا (نیشنل اسٹیڈیم کراچی) میں کھیلے گئے پاکستان سپر لیگ کے دسویں میچ میں کوئٹہ گلیڈی ایٹرز نے مقررہ 20 اوورز میں 8 وکٹوں کے نقصان پر 135 رنز بنائے۔
کوئٹہ گلیڈی ایٹرز کی جانب سے جیسن روئے 48 رنز بنا کر نمایاں رہے۔ محمد حفیظ 25، مارٹن گپٹل 15، قیس احمد 9، اوڈین اسمتھ 9، افتخار احمد 6 اور محمد نواز 2 رنز بنا کر آؤٹ ہوئے۔ کپتان سرفراز احمد 16 رنز بنا کر ناٹ آؤٹ رہے۔
لاہور قلندرز کی جانب سے کپتان شاہین شاہ آفریدی اور ڈیوڈ ویزے نے 3،3 جب کہ راشد خان اور سکندر رضا نے 1،1 وکٹ حاصل کی
قبل ازیں کوئٹہ گلیڈی ایٹرز کی دعوت پر پہلے بیٹنگ کرتے ہوئے لاہور قلندرز نے مقررہ 20 اوورز میں وکٹوں کے نقصان پر رنز بنائے۔لاہور قلندرز کی جانب سے وکٹ کیپر بیٹر شائے ہوپ 47 رنز بنا کر نمایاں رہے۔ مرزا بیگ 31، حسین طلعت 26، فخر زمان 22، کامران غلام 21 اور ڈیوڈ ویزے 1 رن بنا کر آؤٹ ہوئے۔ سکندر رضا 32 جب کہ راشد خان 11 رنز بنا کر ناقابلِ شکست رہے۔
کوئٹہ گلیڈی ایٹرز کی جانب سے اوڈین اسمتھ اور قیس احمد نے 2،2 جب کہ محمد نواز اور محمد حسنین نے 1،1 وکٹ حاصل کی۔
