گوجر خان: اسپیکر قومی اسمبلی راجہ پرویز اشرف نے کہاہے کہ آئندہ الیکشن میں پیپلز پارٹی حکومت بنائے گی۔
گوجر خان میں عوامی اجتماع سے خطاب کرتے ہوئے کہا راجہ پرویز اشرف کا کہنا تھا کہ پیپلز پارٹی پارلیمانی، عوامی اور جمہوری جماعت ہے،عوام پیپلز پارٹی سے گہری وابستگی رکھتے ہیں، پیپلز پارٹی پر عوام کا بھرپور اعتماد قابل ستائش ہے، پیپلز پارٹی میں شمولیت اختیار کرنے والوں کو دل کی گہرائیوں سے خوش آمدید کہتا ہوں، شمولیت اختیار کرنے والوں نے اپنے اور عوام کے بہترین مفاد میں فیصلہ کیا ہے۔
ان کا کہناتھا کہ گوجر خان کی غیور عوام نے ہمیشہ پیپلز پارٹی کو عزت بخشی ہے۔ اسپیکر قومی اسمبلی نے کہا کہ پیپلز پارٹی کی قیادت نے گوجر خان کی عوام کے اعتماد پر پورا اتری ہے۔ پارٹی قیادت نے گوجر خان کو ملک کے سب سے باوقار عہدے سابق وزیراعظم اور اسپیکر قومی اسمبلی سے نوازا ہے۔
راجہ پرویز اشرف کا کہنا تھا کہ آئند ہ الیکشن میں پیپلز پارٹی بھرپور قوت کے ساتھ الیکشن لڑے گی اور حکومت بنائے گی۔گوجر خان کی عوام کے مسائل ان کی دہلیز پر حل کیے جائیں گے۔
