ڈیرہ غازی خان میں انڈس ہائی وے پر ٹریفک حادثے میںایک ہی خاندان کے 5 افرادجاں بحق ہوگئے۔
ریسکیو حکام کے مطابق حادثہ انڈس ہائی وے پر پیش آیا، جہاں ڈیرہ غازی خان کی جانب آنے والی گاڑی اوورٹیک کرتے ہوئے مخالف سمت سے آنے والے ٹریلر سے ٹکرا گئی جس کے نتیجے میں 5 افراد جاں بحق ہو گئے ۔
جاں بحق افراد کی عمریں پچیس سے تیس کے درمیان تھیں۔حادثے میں جاں بحق ہونے والے تمام افراد ایک ہی خاندان سے تھے اور ان کا تعلق دری ڈھولے والے سے ہے۔ذرائع نے مزید بتایا کہ حادثے کے بعد ٹرالر ڈرائیور فرار ہو گیا ہے جبکہ پولیس نے تحقیقات کا آغاز کر دیا ۔
