اسلام آباد: سیکرٹری اطلاعات جماعت اسلامی پنجاب انعام الحق اعوان نے کہاہے کہ امیر جماعت سراج الحق کل مرکزی یکجہتی کشمیر ریلی کی قیادت کریں گے۔
انعام الحق اعوان کا کہنا تھا کہ 5 فروری کو پاکستان بھرکی طرح پنجاب کے اضلاع میں بھی یکجہتی کشمیرریلیوں سمیت دیگرپروگرامات کاانعقادہوگا، مرکزی یکجہتی کشمیرریلی 5 فروری کو ایک بجے آبپارہ چوک اسلام آباد میں ہوگی جس کی قیادت امیرجماعت سراج الحق، امیرصوبہ ڈاکٹرطارق سلیم، صوبائی سیکریٹر ی جنرل اقبال خان، امرائے اضلاع نصراللہ رندھاوا، سیدعارف شیرازی، سردارامجدعلی خان، پروفیسرمحمداشرف آصف، پروفیسر طاہرملک، ڈاکٹرقاسم محمودچوہدری، مقبوضہ وآزادکشمیرکی قیادت کرے گی۔
قبل ازیں مختلف مقامات پر یکجہتی کشمیرریلیوں کاانعقاد ہوگا جومرکزی ریلی کا حصہ بن جائیں گی اس موقع پریکجہتی کشمیرجلسہ منعقد ہوگاجس سے قائدین خطاب کریں گے۔
