لاہور: پاکستان کرکٹ بورڈ نے قومی کرکٹ ٹیم کے ہیڈ کوچ کا عہدہ ختم کرنے کا فیصلہ کر لیا۔
میڈیا رپورٹس کے مطابق بورڈ مکی آرتھر کے لیے ٹیم ڈائریکٹر کا عہدہ متعارف کرا رہا ہے، پاکستانی ٹیم ہیڈ کوچ کے ساتھ نہیں اسسٹنٹ کوچز کے ساتھ کام کرے گی۔
پی سی بی مکی آرتھر کے ساتھ بیٹنگ، بولنگ، فیلڈنگ اور 3اسسٹنٹ کوچز رکھے گا۔ریحان الحق بنیادی طور پر مکی آرتھر کے چیف آف اسٹاف کے طور پر کام کریں گے۔
ذرائع کا کہنا ہے کہ گرانٹ بریڈبرن کو بطور فیلڈنگ اور اسسٹنٹ کوچ مقرر کرنے کا فیصلہ کیا گیا ہے، مکی آرتھر کے اپریل کے پہلے ہفتے میں لاہور آنے کا امکان ہے۔
