نئی دہلی:دنیا میں بیشتر افراد میں کتوں کا خوف پایا جاتا ہے لیکن بھارت میں اس نوعیت کا منفرد واقعہ پیش آیا ہے جہاں ڈیلیوری بوائے نے کتے کے ڈر سے تیسری منزل سے چھلانگ لی.
بھارتی میڈیا کے مطابق 23سالہ محمد رضوان حیدرآباد کی بنجارا ہلز نامی بلڈنگ میں آرڈر دینے کیلئے گیا تھا، ڈیلیوری بوائے نے جیسے ہی گھر کی بیل بجائی، کسٹمر کا پالتو کتا(جرمن شیفرڈ )بھونکتا ہوا دروازے تک آگیا،بھارتی میڈیا کے مطابق ڈیلیوری بوائے نے اپنی حفاظت کیلئے بھاگنا شروع کیا تو کتا بھی اس کے تعاقب میں پیچھے آگیا جس کے بعد محمد رضوان نے کتے کے خوف سے تیسری منزل سے چھلانگ لگالی۔
بھارتی میڈیا کا کہنا تھا کہ حادثے کے بعد محمد رضوان کو شدید زخمی حالت میں قریبی اسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگیا۔
