پشاور:کوہاٹ پولیس نے سٹی پھاٹک کے قریب چیکنگ کے دوران منشیات ا سمگلر کو 4680 گرام چرس سمیت گرفتار کر لیا۔
ایس ایچ او سٹی سہیل شاہ کی قیادت میں کامیاب کارروائی مقامی پولیس اور سنیپ سکواڈ کی طرف سے عمل میں لائی گئی۔
کارروائی میں پکڑے گئےا سمگلر محمد اللہ ولد مظفر خان سکنہ مامو خوڑ ہنگو کے خلاف تھانہ سٹی میں مقدمہ درج کر لیا گیا۔
لاکھوں مالیت کی چرس سکول بیگ میں چھپا کر اسمگل کی جارہی تھی۔ پکڑے گئے منشیات سمگلر نے ابتدائی پوچھ گچھ میں اعتراف جرم کر لیا ہے۔
ڈی پی او عبدالرؤف بابر قیصرانی کی واضح پالیسی کے مطابق ضلع بھر میں منشیات کے خلاف مسلسل کریک ڈاؤن جاری ہے۔ ضلع بھر میں منشیات کی سپلائی لائن بند کرنے کیلئے خصوصی مہم بھی جاری ہے۔
منشیات کے خلاف جاری خصوصی مہم کے خاطر خواہ نتائج برآمد ہورہے ہیں۔ عوامی حمایت سے منشیات کی تدارک کیلئے جاری مہم کو منطقی انجام تک پہنچایا جا رہا ہے۔
