راولپنڈی:عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ آرمی کاسپہ سالاربھی کہہ رہاہے کہ پاکستان نازک ترین موڑپرپہنچ گیاہے ،کپڑے بیچنے والاشہبازبھی اعتراف کررہاہے کہ شدیدمعاشی بحران ہے ،اسحاق ڈارکویہ بات سمجھ نہیں آرہی ،پی ڈی ایم کا عمران خان پرہر ناکام حملہ انکے اپنے گلے پڑرہاہے۔15جنوری کوایم کیو ایم کابھی پتہ چل جائے گا،حل صرف الیکشن ہیں ورنہ ڈیفالٹ دروازے پرہے۔
ان خیالات کااظہار شیخ رشید احمد نے سوموار کے روز ٹوئٹر پر جاری اپنے بیان میں کیا۔شیخ رشید احمد نے کہا کہ سیاسی معاشی اور سماجی استحکام ہی قومی سلامتی ہے،امیدہے اس پرآج کچھ فیصلہ ہو گا۔87 ارب ترقیاتی کاموں پر ممبروں کو 2ارب، بلاول کے دوروں پر اور 2ارب کمپنی کی مشہوری پر لگا دیا۔77وزراء کے بحری بیڑے اورآئی ایم ایف کی شرائط غریب کے لئے ہیں حکمرانوں کی اپنی دولت بیرون ملک بینکوں میں محفوظ ہے۔
