لاہور : محمد حفیظ کا پی ایس ایل کیرئیر اختتام پذیر؟ پاکستان سپر لیگ 8 کیلئے کسی فرنچائز نے سینئر آل راونڈر کو ٹیم کا حصہ نہیں بنایا۔
میڈیا ذرائع کے مطابق پاکستان سپر لیگ 8 کیلئے کھلاڑی کی ڈرافٹنگ کا مرحلہ مکمل ہو گیا۔ تمام ٹیموں نے کھلاڑیوں کا انتخاب مکمل کر لیا، جبکہ کئی نامور نام کسی بھی ٹیم کا حصہ بننے میں ناکام رہے۔
ذرائع کے مطابق ان ناموں میں سب سے اہم نام محمد حفیظ کا ہے، جنہوں نے گزشتہ برس لاہور قلندرز کو پی ایس ایل چیمپئن بنوانے میں اہم کردار ادا کیا تھا، تاہم رواں برس انہیں کسی فرنچائز نے منتخب نہیں کیا۔ جبکہ تمام ٹیموں کی جانب سے منتخب کیے گئے کھلاڑیوں کی تفصیلات بھی جاری کر دی گئی ہیں۔
