مکہ مکرمہ:بیت اللہ شریف کی مسجد حرام اور مدینہ منورہ میں مسجد نبویﷺ کے امور کی صدارت عامہ نے متعلقہ حکام کے تعاون سے پیغام کی ترجمانی کیلئے چینی زبان کی سروس بھی شروع کر دی۔
صدارت عامہ نے اس سال خطبہ عرفہ کا 14 بین الاقوامی زبانوں میں ترجمہ کرکے پیش کرنے کا اہتمام کیا۔ زیادہ سے زیادہ دنیا تک رسائی کیلئے جن زبانوں کا اضافہ کیا گیا ان میں انگریزی، فرانسیسی، مالائی، اردو، فارسی، روسی، چینی، بنگالی، ترکی، ہاسا، ہسپانوی، سواحلی، تامل اور ہندی شامل ہیں۔14 زبانوں میں خطبہ حج کی پیشکش کا یہ منصوبہ بے مثال کامیابی سے ہم کنار ہوا اور دنیا بھر سے 200 ملین سے زیادہ افراد خطبہ سے مستفید ہوئے۔
تاریخ میں پہلی مرتبہ دو مقدس ترین مساجد کا پیغام چینی زبان میں بھی دنیا تک پہنچایا گیا۔دو مقدس مساجد کی صدارت عامہ کی جانب سے نہ صرف خطبات اور دروس کا چینی زبان میں ترجمہ کیا جاتا ہے بلکہ زائرین کی رہنمائی اور مشاورت بھی چینی زبان میں کی جاتی ہے۔ جنرل ریزیڈنسی کتابوں کا چینی زبان میں ترجمہ کرنے میں جدید ٹیکنالوجی اور ممتاز اہلیت والے افراد سے استفادہ کرنا چاہتی ہے۔ روبوٹکس اور مصنوعی ذہانت جیسی ٹیکنالوجی کا استعمال کرنے کے بھی منصوبے ہیں۔
