لاہور: پاکستان اور انگلینڈ کے درمیان ٹیسٹ سیریز شیڈول کے مطابق کرانے کا فیصلہ کرلیا گیا۔
نجی ٹی وی کی رپورٹ کے مطابق پہلا ٹیسٹ راولپنڈی میں، دوسرا ٹیسٹ ملتان اور تیسرا اور آخری ٹیسٹ کراچی میں کھیلا جائے گا۔ سیریز کی تیاریوں کے لیے قومی ٹیم کا کیمپ 24 نومبر سے راولپنڈی میں شروع ہوگا۔
ٹیسٹ سیریز کےلیے ٹیم میں وکٹ کیپر محمد رضوان کے ساتھ بلوچستان کے نوجوان وکٹ حسیب الله کو موقع دیا جاسکتا ہے۔ سرفراز احمد کو ڈراپ کیے جانے کا قومی امکان ہے۔ناقص پرفارمنس پر لیگ اسپنر یاسر شاہ کو ڈراپ کرکے ان کی جگہ نوجوان اسپر ابرار احمد کو ٹیسٹ اسکواڈ کا حصہ بنایا جارہا ہے۔محمد نواز اور نعمان علی کے ساتھ اسپن بولنگ پر بھروسا کیا جارہا ہے۔ فاسٹ بولر محمد عباس کا کم بیک ہوگا۔ ان کے ساتھ حسن علی، نسیم شاہ، حارث روف اور شاہ نواز دھانی پر انحصار کیا جائے گا۔
شاہین شاہ آفریدی کی جگہ اب حارث روف پاکستانی بولنگ کا اہم ہتھیار ہوں گے۔ ان کا اس سیریز میں ڈبیو بھی ہورہا ہے۔ آل راونڈر میں سے عامر جمال اور فہیم اشرف میں سے کسی ایک کو منتخب کیا جائے گا۔بیٹنگ لائن میں کوئی بڑی تبدیلی نہیں کی جارہی۔اظہرعلی، شان مسعود، امام الحق، بابر اعظم،عبداللہ شفیق، فواد عالم، سعود شکیل، محمد رضوان کے ساتھ ہی انگلش بولرز پر حاوی کرنے پر اتفاق کیا گیا ہے۔
