لاہور: پنجاب اسمبلی میں قائد حزب اختلاف و سابق وزیر اعلیٰ پنجاب حمزہ شہباز نے کہا ہے کہ عمران خان کا مارچ خونی ہے، پاکستان میں فساد اور بربادی اس کا مقصد ہے۔
حمزہ شہباز نے تحریک انصاف کے لانگ مارچ میں خاتون صحافی صدف کے کنٹینر ٹرک تلے کچل کر جاں بحق ہونے پر افسوس کا اظہار کرتے ہوئے کہا کہ خاتون رپورٹر صدف کی ناگہانی موت پر دلی افسوس ہوا، مرحومہ کے بلند درجات اور لواحقین کے لئے صبر کے لئے دعاگو ہوں۔
حمزہ شہباز نے کہا کہ ایک محنتی خاتون رپورٹر عمران نیازی کے اقتدار کی ہوس کی بھینٹ چڑھ گئی۔ عمران خان کا مارچ خونی ہے، پاکستان میں فساد اور بربادی اس کا مقصد ہے۔
