دوحہ:محبت کا پیغام لئے چین سے پانڈوں کا ایک جوڑا فیفا ورلڈ کپ سے قبل قطر پہنچ گیا ہے فیفا ورلڈکپ اگلے ماہ شروع ہورہا ہے۔
قطر کے دارالحکومت دوحہ پہنچنے پر 3 سالہ مادہ سی ہائی اور 4 سالہ نر جنگ جنگ کو فوری طور پر الخور پارک میں واقع پانڈا ہاؤس پہنچایا گیا جو خلیج کے اس ملک میں ان کا نیا آشیانہ ہے۔
120 کلوگرام (265 پاؤنڈ) وزنی 4 سالہ مرد جینگ جِنگ کو عربی نام سہیل اور 70 کلوگرام (154 پاؤنڈ) کی 3 سالہ خاتون سی ہائی کو عربی نام دیا گیا ہے۔
پانڈے کم از کم 21 دن تک قرنطینہ میں رہیں گے اس سے پہلے شائیقین کو پانڈے دیکھنے کی اجازت دی جائے گی ۔
20 نومبر سے قطر میں شروع ہونے والا فیفا ورلڈ کپ جو ایک مہنے تک جاری رہے گا اس میں تقریباً 1.2 ملین شائیقین کی آنے کی توقع کی جارہی ہے۔ گیس سے مالا مال خلیجی ملک دنیا کے سب سے بڑے کھیلوں کے ایونٹ کی میزبانی کرنے والا پہلا مسلم یا عرب ملک ہوگا۔
الوبرہ وائلڈ لائف پریزرویشن کے ڈائریکٹر ٹم بوٹس نے کہا کہ پانڈا کے لیے بہترین اندرونی آب و ہوا فراہم کرنے کے علاوہ یہ دیوار انھیں دباؤ والی آوازوں سے بھی بچائے گی جب کہ انھیں آنے والوں کے ساتھ بات چیت کرنے کی اجازت ہوگی۔
ڈائریکٹر ٹم بوٹس نے کہا کہ جس عمارت میں پانڈوں کو رکھا جائے گا اس عمارت کو بنانے کے لیے کافی سوچ بچار کی گئی، میرے خیال میں، دنیا میں پانڈوں کے لیے بہترین عمارت ہے”۔ پانڈے جو جنگل میں شاذ و نادر پیدا ہوتے ہیں اور مغربی چین کے پہاڑوں میں بانس کی خوراک پر انحصار کرتے ہیں، دنیا کی سب سے زیادہ خطرے سے دوچار نسلوں میں سے ایک ہیں۔
ایک اندازے کے مطابق 1,800 پانڈے جنگل میں رہتے ہیں، جبکہ دیگر 500 چڑیا گھروں میں نظر آتے ہیں،چین کا شہر سیچوان جو ایک سرکاری شو بینکر ہے جس نے 20 ممالک کو پانڈے عطیہ کیے ہیں۔
قطر میں چین کے سفیر ژوجیان نے کہا کہ دونوں پانڈے یہاں پر خوشگوار زندگی گزاریں گے اور دنیا کے لوگوں کے لیے مزید خوشی اور محبت لائیں گے۔
خیال رہے کہ آئندہ ماہ قطر میں منعقدہ ورلڈ کپ 2022 کو دیکھنے کے لیے آنے والے فٹبال شائقین کو پانڈا دیکھنے کا موقع ملے گا جو چین کا قومی خزانہ ہیں۔
