اسلام آباد: وفاقی اردو یونیورسٹی اسلام آباد کیمپس میں شعبہ معاشیات کے زیر اہتمام اسلامی بینکاری سے آگاہی کے موضوع پر ایک سیمینار منعقد کیا گیا ۔ پروگرام کے مقرر ذوالقرنین حیدر نے اسلامی بینکاری کے متعلق ایک جامع لیکچر دیا جس میں طلبہ کے سوالات کے موثر طور پر جوابات دیے گئے ۔
صدر شعبہ معاشیات جناب ڈاکٹر احتشام الحق نے بینک دولت پاکستان کے نمائندوں سے پر زور اصرار کیا کہ وہ طلبہ کو مختلف تربیتی کورسز اور انٹرنشپ کے مواقع فراہم کیے جائیں تاکہ وہ مستقبل میں معاشرے میں اہم کردار ادا کر سکیں ۔
پروگرام کے آخر میں مقرر اور بینک دولت پاکستان کے نمائندوں کو پھول اور یادگاری شیلڈز پیش کی گئی ۔ پروگرام کی منتظم ڈاکٹر انیلا سلطانہ تھیں ۔ اس موقع پر طلبہ کا کہنا تھا کہ اس طرح کے سیمینار آئندہ بھی ہونے چاہئیں تاکہ وہ عملی طور پر زیادہ بہتر طریقے سے اس طرح کے موضوعات کو سمجھ سکیں۔
