راولپنڈی:عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ مفتاح اسماعیل اور اسحاق ڈار ملکر یا لڑکر بھی معاشی حالات ٹھیک نہیں کر سکتے۔گولیاں اور ڈرون عوام کا راستہ نہیں روک سکتیں۔
ان خیالات کااظہار شیخ رشید احمد نے ہفتہ کے روز ٹوئٹر پر جاری اپنے بیان میں کیا کہ اسلام آباد پر چڑہائی نہیں دادرسی کے لیے آرہے ہیں۔ سول آرمڈ فورسز سے اپیل ہے کہ وہ سرکاری عمارتوں تک ہی محدود رہیں۔ دنیا میں پیٹرول سستا اور پاکستان میں مہنگا ہو رہا ہے۔
مفتاح اور اسحاق ڈار ملکر یا لڑکر بھی معاشی حالات ٹھیک نہیں کر سکتے۔گولیاں اور ڈرون عوام کا راستہ نہیں روک سکتیں۔اسلام آباد پر چڑہائی نہیں دادرسی کے لیے آرہے ہیں۔ سول آرمڈ فورسز سے اپیل ہے کہ وہ سرکاری عمارتوں تک ہی محدود رہیں۔ دنیا میں پیٹرول سستا اور پاکستان میں مہنگا ہو رہا ہے۔
— Sheikh Rashid Ahmed (@ShkhRasheed) September 24, 2022
شیخ رشید احمد کا کہنا تھا کہ نیب قوانین میں من مانی ترامیم اپنی ذات کے لیے کی گئیں۔ جس دن فردجرم لگنی تھی اس دن شہبازشریف نے وزارت عظمی کاحلف اٹھایا۔
ان کا کہنا تھا کہ نیویارک جانیوالوں نے ہزاروں ڈالرروزانہ کے کمر ے میں ٹھہرکرسیلاب کی امدادمانگی۔جتنی شاہ خرچی امریکہ میں کی گئی اتنی مددبھی نہیں ملی72 وزراء پرہائی کورٹ میں رٹ دائرکردی۔
