وزیراعظم سیلاب متاثرہ بچوں میں گھل مل گئے، قومی ترانہ اور نظمیں سنیں

ویب ڈیسک -
429

صحبت پور: وزیراعظم شہباز شریف بلوچستان کے دورے کے دوران سیلاب متاثرہ بچوں میں گھل مل گئے، ان سے قومی ترانہ اور نظمیں سن کر انہیں شاباش بھی دی۔

وزیراعظم محمد شہباز شریف نے صحبت پور بلوچستان میں قائم سیلاب متاثرین کیمپ کا دورہ کیا اور بچوں سے ملاقات کی ہے۔

 شہباز شریف بچوں میں گھل مل گئے، ان سے خوب باتیں کیں، ان سے نظمیں سنیں اور شاباش دی۔ شہباز شریف بہت خوش ہوئے اور بچیوں کے لیے 2 ماہ میں خصوصی ماڈل اسکول بنانے کا حکم دیا۔

 انہوں نے کہا کہ اس اسکول کا سارا خرچہ وفاقی حکومت برداشت کرے گی، اسکول میں میدان اور بہترین اساتذہ سمیت کنڈر گارڈن کی تمام سہولیات ہونی چاہیے۔

یاد رہے کہ صحبت پور کے دورے کے موقع پر وزیراعظم شہباز شریف نے بچوں کو اپنی تعلیم پر توجہ دینے کا روز دیتے ہوئے کہا کہ حکومت ان کے تباہ شدہ اسکول بھی تعمیر کر کے دے گی۔

مزید خبریں