عمران خان براہ راست فوج اور فوجی قیادت پر کیچڑ اچھال رہے ہیں،شہباز شریف

ویب ڈیسک -
259
چین میں مدعو چند رہنمائوں میں شمولیت اعزاز ہے ،شہباز شریف

اسلام آباد:وزیراعظم میاں شہباز شریف نے کہا ہے کہ عمران خان اب براہ راست فوج اور فوجی قیادت پر کیچڑ اچھال رہے ہیں اور زہریلے الزامات لگا رہے ہیں۔

وزیراعظم نے سماجی رابطے کی ویب سائٹ ٹوئٹرپر جاری بیان میں کہا کہ عمران نیازی کی اداروں کوبدنام کرنے اور ان کے خلاف نفرت پھیلانے کی انتہائی قابل مذمت مہم ہرروز نئی انتہا کو چھو رہی ہے۔

شہباز شریف نے کا مزید کہنا تھا کہ عمران خان اب فوج اور فوجی قیادت کے بارے میں براہ راست کیچڑ اچھال رہے ہیں اور زہریلے الزامات لگا رہے ہیں۔

عمران خان کا مذموم ایجنڈا واضح طورپر پاکستان کو نقصان پہنچانا اور کمزور کرنا ہے۔

مزید خبریں