دبئی:ایشیا کپ میں پاکستان اور بھارت میں ایک بار پھر جوڑ پڑے گا، روایتی حریف سپر فور مرحلے میں 4ستمبر کوکل آمنے سامنے ہوں گے۔
تفصیلات کے مطابق ایشیا کپ ٹی ٹوئنٹی ٹورنامنٹ میں سپر فور مرحلے کا آغاز ہو گیا، بھارت ، افغانستان ، سری لنکا اور پاکستان سپر فور مرحلے میں پہنچ چکے ہیں۔
ا یشیاکپ میں پاکستان کا ایک بار پھر بھارت کے ساتھ دوسرا ٹاکرا کل ہوگا، دونوں ٹیمیں سپر فور مرحلے میں دبئی میں آمنے سامنے ہوں گی،سپر فور مرحلے میں بھارت اور سری لنکا کی ٹیموں کے درمیان 6ستمبر کو دبئی میں میچ ہو گا، جبکہ قومی ٹیم سات ستمبر کو افغانستان کیخلاف میچ کھیلے گی۔
8ستمبر کو دبئی میں بھارت اور افغانستان کی ٹیمیں مد مقابل ہوں گی۔ قومی ٹیم کا نو ستمبر کو سری لنکا سے بھی دبئی میں مقابلہ ہوگا،ایشیا کپ کا فائنل 11ستمبر کو سپر فور کی دو ٹاپ ٹیموں کے درمیان دبئی میں ہو گا۔
