دبئی: ایشیا کپ 2022 کے چوتھے میچ میں بھارت نے ہانگ کانگ کو 40 رنز سے شکست دے کر اگلے مرحلے کے لیے کوالیفائی کر لیا۔
بھارت نے ہانگ کانگ کو جیت کے لیے 193 رنز کا ہدف دیا تھا جس کے تعاقب میں ہانگ کانگ نے پانچ کھلاڑی آؤٹ ہوئے۔ بابر حیات 41 رنز بنا کر نمایاں رہے۔ گزشتہ روز، گروپ بی سے افغانستان نے اگلے مرحلے کے لیے کوالیفائی کیا۔ بھارتی کھلاڑی سوریا کمار نے جارحانہ بیٹنگ کرتے ہوئے 26 گیندوں پر 68 رنز بنائے جس میں چھ چوکے اور چھ چھکے شامل تھے جبکہ ویرات کوہلی نے 44 گیندوں پر 59 رنز بنائے۔
بھارتی کپتان روہت شرما 21 رنز جبکہ اوپنر کے ایل راہول 36 رنز بنا کر آؤٹ ہوئے۔ بھارت نے ایونٹ کے پہلے میچ پاکستان کو پانچ وکٹوں سے شکست دی تھی جبکہ ہانگ کانگ کا یہ پہلا میچ ہے، دونوں ٹیموں کے درمیان میچ دبئی میں کھیلا جا رہا ہے۔
