اسلام آباد: وزیر اعظم میاں محمد شہباز شریف امیر قطر شیخ تمیم بن حمد الثانی کی دعوت پر قطر کے دوروزہ سرکاری دورے پر قطر پہنچ گئے ہیں۔
وزیر اعظم شہباز شریف کے ہمراہ وفاقی وزراء خواجہ محمد سعد رفیق، سردار ایاز صادق، چوہدری طارق بشیر چیمہ، مریم اورنگزیب ، وزیر اعظم کے مشیر احد خان چیمہ اور معاون خصوصی سید طارق فاطمی اور دیگر اعلیٰ حکام بھی قطر روانہ ہوئے ہیں۔
واضح رہے کہ روانگی سے قبل وزیر اعظم میاں محمد شہباز شریف کا ٹوئٹر پر جاری اپنے بیان میں کہنا تھا کہ اپنے بھائی شیخ تمیم بن حمد آل ثانی کی دعوت پر قطر روانہ ہو رہا ہوں۔
اپنے بھائی عزت مآب شیخ تمیم بن حمد آل ثانی کی دعوت پر آج قطر روانہ ہو رہا ہوں۔ اس دورے سے دونوں ممالک کے درمیان دوستی اور بھائی چارے کے تعلق کی تجدید ہوں گی۔ ہم اپنے تاریخی دوطرفہ روابط کو اور بھی زیادہ موثر سٹرٹیجک تعلقات میں تبدیل کرنا چاہتے ہیں۔
— Shehbaz Sharif (@CMShehbaz) August 23, 2022
اس دورے سے دونوں ممالک کے درمیان دوستی اور بھائی چارے کے تعلق کی تجدید ہوں گی۔ ہم اپنے تاریخی دوطرفہ روابط کو اور بھی زیادہ موثر سٹرٹیجک تعلقات میں تبدیل کرنا چاہتے ہیں۔
اس دورے کے تناظر کو سمجھنا اہم ہے۔ کورونا وبا کے بعد دنیا معاشی سست روی سے بحالی کی طرف جا رہی ہے۔ جیوپولیٹیکل کشیدگیوں نے طلب اور رسد کا عمل متاثر اور توانائی اور خوراک کی قیمتوں میں اضافے نے مسائل میں اضافہ کیا ہے۔ مشترکہ چیلنجز متقاضی ہیں کہ تعاون کی نئی راہیں ڈھونڈیں۔
— Shehbaz Sharif (@CMShehbaz) August 23, 2022
شہبازشریف کا کہنا تھا کہ کاروباری برادری سے ملاقاتوں میں ،میں انہیں پاکستان میں سرمایہ کاری کے پرکشش مواقع کے بارے میں آگاہ کروں گا جن میں قابل تجدید توانائی، فوڈ سکیورٹی، صنعت و انفراسٹرکچر کی ترقی، سیاحت اورمہمان نوازی کے شعبے شامل ہیں۔
ان کا کہنا تھا کہ اس دورے کے تناظر کو سمجھنا اہم ہے۔ کورونا وبا کے بعد دنیا معاشی سست روی سے بحالی کی طرف جا رہی ہے۔
جیوپولیٹیکل کشیدگیوں نے طلب اور رسد کا عمل متاثر اور توانائی اور خوراک کی قیمتوں میں اضافے نے مسائل میں اضافہ کیا ہے۔ مشترکہ چیلنجز متقاضی ہیں کہ تعاون کی نئی راہیں ڈھونڈیں۔
