چیف الیکشن کمشنر سکندر سلطان راجہ نے سابق وزیر خارجہ شاہ محمود قریشی کی پریس کانفرنس پر فوری نوٹس لیتے ہوئے ضابطہ اخلاق کی خلاف ورزی کے الزامات پرصوبائی الیکشن کمشنر پنجاب سے فوری رپورٹ طلب کر لی ہے۔
میڈیا رپورٹس کے مطابق چیف الیکشن کمشنر نے صوبائی الیکشن کمشنر پنجاب کو 24گھنٹوں کے اندر رپورٹ پیش کرنے کا حکم دیا ہے۔
چیف الیکشن کمشنر نے ہدایت کی کہ ملتان سمیت دیگر 19حلقوں میں ضابطہ اخلاق کی خلاف ورزی ثابت ہونے پر قانون کے تحت سخت سے سخت کارروائی کی جائے، تمام کارروائی سے چیف الیکشن کمشنر کو فوری آگاہ کیا جائے۔
