لاہور:مسلم لیگ ن کی نائب صدر مریم صفدر نے کہا ہے کہ عمران خان کی منافقت کو عوام اچھی طرح پہچانتی ہے، ایسے شخص کی ہر کال پر عوام بھی اسی طرح لاتعلق رہیں گے جیسےکل کے احتجاج پر رہے۔
عمران خان پر مزید تنقید کرتے ہوئے مریم صفدر نے کہا کہ عمران خان احتجاج کرنے والوں کی مدد کر سکتا ہے مگر بے حسی اور لاتعلقی کا مظاہرہ کررہاہے، اس کی اپنی دہلیز پر ضرورتمند احتجاج کر رہے ہیں اور وہ صوبے کا حکمران بھی ہے، لیکن پھر بھی مظلوموں کی مدد نہیں کررہاہے۔
ن لیگ کی نائب صدر کا مزید کہنا تھا کہ گذشتہ حکمرانوں کی نااہلی کی وجہ سے مہنگائی میں اضافہ ہوا ہے، عوام کی مشکلات کا اندازہ ہے، جس کے لیے جلد مختلف منصوبے شروع کرینگے، پی ٹی آئی دور میں ملکی معیشت تباہ ہوئی، ہم دوبارہ بحال کرینگے۔
