اسلام آباد: وفاقی وزیر اطلاعات مریم اورنگزیب نے کہا ہے کہ شوکت ترین نے آخر کار اعتراف کر ہی لیا کہ عمران خان نے چار سال کی حکومت میں 20 ہزار ارب روپے کا قرض لیا ہے۔
سماجی رابطے کی ویب سائٹ ٹوئٹرپربیان میں وفاقی وزیر اطلاعات نے کہا کہ جو قرض تاریخِ پاکستان میں لئے گئے اس مجموعی قرض کا 76 فیصد ہے۔
شوکت ترین صاحب نے آخر کار اعتراف کر ہی لیا کہ عمران صاحب نے چار سال کی حکومت میں 20 ہزار ارب روپے کا قرض لیا جو تاریخ پاکستان میں لئے گئے مجموعی قرض کا 76 فیصد ہے۔ ایسے بہت سے اعتراف ابھی عمران صاحب نے کرنے ہیں۔ pic.twitter.com/MHvmpPsafd
— Marriyum Aurangzeb (@Marriyum_A) June 12, 2022
انہوں نے کہا کہ ایسے بہت سے اعتراف ابھی عمران خان نے کرنے ہیں، عمران خان کی آئی ایم ایف سے سخت شرائط پر معاہدہ اور ڈالر 115 سے 189 پر لے جانے کا اعتراف ابھی باقی ہے۔
وفاقی وزیر نے کہا کہ مہنگائی، بے روزگاری اور معاشی تباہی کے ظلم ڈھانے کے علاوہ قیراط، خیرات اور کرپشن کے ثمراث کا اعتراف بھی جلد ہوگا۔
