تہران(جسارت نیوز)پاکستانی ایتھلیٹ معید بلوچ نے شاندار کامیابی سمیٹتے ہوئے ایران میں منعقدہ چیمپئن شپ میں چاندی کا تمغہ جیت لیا۔ بلوچ بولٹ کہلانے والے ایتھلیٹ معید بلوچ 400 میٹر کی دوڑ میں دوسرے نمبر پر آئے، انہوں نے 46 عشاریہ 73 سیکنڈ میں 400 میٹر کا فاصلہ طے کرکے پاکستانی ریکارڈ بھی بنا دیا۔معید بلوچ پیر کو 200 میٹر کی ریس میں دوڑینگے، چیمپئن شپ میں پاکستان، ایران، عراق، عمان اور قطر سمیت دیگر ممالک کے کھلاڑیوں نے حصہ لیا۔
