جکارتہ(نمائندہ خصوصی)ہاکی ایشیا کپ میں پاکستان اور اومان کے مابین پانچویں پوزیشن کیلئے سیمی فائنل میچ آج کھیلا جائے گا، قومی ٹیم ایونٹ کے سپر فور مرحلے میں جگہ نہ بنا سکی، ابتدائی مرحلے میں پاکستان اور بھارت کے پوائنٹس برابر تھے تاہم بھارتی ٹیم بہتر گول اوسط کی بنیاد پر سپر فور مرحلے میں پہنچ گئی، پاکستان اور بھارت کے مابین کھیلا گیا پہلا پول میچ 1-1سے برابر رہا، دوسرے میچ میں گرین شرٹس نے انڈونیشیا کے خلاف0-13کامیابی حاصل کی مگر تیسرے میچ میں اسے جاپان کے ہاتھوں 2-3سے شکست کا سامنا کرنا پڑا، اس طرح پاکستان ایشیا کپ کے ساتھ ساتھ آئندہ سال بھارت میں شیڈول عالمی کپ سے بھی باہر ہو گیا ۔
