اسلام آباد (صباح نیوز) وزیراعظم شہباز شریف31 مئی سے ترکی کا2 روزہ دورہ کریں گے۔ نجی ٹی وی کے مطابق شہباز شریف31 مئی اور یکم جون کو دورہ کریں گے۔ وزیراعظم دورہ ترکی میں دوطرفہ تعلقات، تجارت، سرمایہ کاری سمیت مختلف موضوعات پر گفتگو کریں گے۔جس میں ہائی لیول اسٹریٹجک کوآپریشن کونسل کی 7ویں میٹنگ میں دفاع، توانائی، تجارت سمیت مختلف موضوعات پر بات کریں گے۔ وزیراعظم کے ہمراہ اعلیٰ سطح وفد بھی ہوگا جبکہ وزیراعظم دورہ ترکی ترک صدر رجب طیب اردگان کی دعوت پر کر رہے ہیں۔
