کوئٹہ(نمائندہ جسارت)بلوچستان کے ضلع خضدار میں کوئٹہ کراچی قومی شاہراہ پر ٹرک کو حادثہ ، 6 مزدور جاں بحق جبکہ3زخمی ہوگئے ۔نائب تحصیلدار اورناچ کے مطابق واقعہ سنگری رستم آباد کے قریب پیش آیاجہاں بھوسے سے بھرا کراچی جانے والا ٹرک بریک فیل ہونے کے باعث قریب کھڑے ٹینکر سے ٹکرا کر اُلٹ گیا۔ حادثے میں ٹرک میں سوار 6 مزدور موقع پر جاں بحق جبکہ 3 شدید زخمی ہوئے لاشوں اور زخمیوں کو اسپتال منتقل کیا گیا جہاں جاں بحق افراد کی شناخت امام دین ولد جانی،علی نواز ولداسحاق،میرو ولد علی شیر،بیرو اور شاہو کے نام سے کر لی گئی جبکہ زخمیوں کی شناخت عاشق علی والد گل شیر، جمیل ولد جانی اور ویسم ولد جانی کے نام سے کی گئی۔تمام زخمیوں کو تشویشناک حالت میں اسپتال منتقل کر دیا گیا جبکہ لاشیں آبائی علاقوں کو روانہ کر دی گئیں، متعلقہ لیویزمزید تحقیقات کر رہی ہے۔
