کراچی(اسٹاف رپورٹر) 25ویں دانش مرچنٹ کرکٹ ٹرافی کاٹائٹل نیویونائیٹڈ کرکٹ کلب نے اپنے نام کرلیا ۔کے جی اے جمخانہ گرائونڈ میں کھیلا گیا فائنل یکطرفہ ثابت ہوا اور لیفٹ آرم اسپنرلطیف احمد کی تباہ کن بولنگ کے باعث کے جی اے جمخانہ 11 اوورز میںصرف 34 رنز بنا کر آئوٹ ہو گئی لطیف احمد نے اپنے 4 اوورز کے اسپیل میں صرف8 رنز کے عوض6 کھلاڑیوں کو آئوٹ کیا جمال احمد نے 24 رنزدے کر2 کھلاڑی آئوٹ کئے کے جی اے جمخانہ کیجانب سے وکٹرڈی سوزا نے10 رنز بنائے ہدف کے تعاقب میں نیویونائیٹڈ کرکٹ کلب نے مطلوبہ اسکور 4 اوورزمیں ایک وکٹ کے نقصان پرحاصل کرلیا کاشان خان نے 25 جبکہ دانش خان نے 12 رنز اسکور کئے لطیف احمد کو ان کی شاندار بولنگ پر مین آف دی فائنل کاایوارڈ دیا گیا ٹورنامنٹ کے بیسٹ بیٹر رام روی، بولر لطیف احمد، بیسٹ وکٹ کیپرمبشر احمد اورعامرجمال خان پلیئرآف دی ٹورنامنٹ قرار پائے تقسیم انعامات کی تقریب میں مہمان خصوصی ڈیم انٹرپرائززکے سی ای او امین مرچنٹ ،کراچی اسپورٹس فائونڈیشن کے صدر سید وسیم ہاشم اور چیئرمین آصف عظیم نے کھلاڑیوں میں ٹرافیزاور ایوارڈز تقسیم کئے اس موقع پر شوکت راجپوت، افضل شیری اور ٹورنامنٹ ڈائریکٹر عباس نواز بھی موجود تھے ۔
