اسلام آباد (صباح نیوز)وزیر اعظم کے معاون خصوصی محمد حنیف عباسی نے کہا ہے کہ شیخ رشید کا پیچھا اس وقت تک کروں گا جب تک میرے جسم میں جان ہے ، آپ کہیں سے الیکشن لڑیں گے میں آپ کے خلاف الیکشن لڑوں گا،سیاسی طور پرآپ کاہر جگہ پیچھا کروں گا، شیخ رشید تگڑے ہوجائیں، میں بھاگنے والا نہیں ہوں، سیاسی میدان میں آپ کا مقابلہ کروں گا۔ان خیالات کااظہارانہوں نے نجی ٹی وی پر ردعمل کا اظہار کرتے ہوئے کیا۔انہوں نے کہا کہ میرا عدالتی فیصلہ ساری دنیا پڑھ چکی ہے، جس میں مجھے ضمانت دی گئی اور میری سزابھی معطل ہوگئی۔حنیف عباسی نے کہا ؎کہ شیخ رشید ساری زندگی مجھ سے الیکشن ہارتے آئے ہیں، راولپنڈی کے اندر حق اور سچ کی فتح ہو گی۔ بے شک مجھے سنے بغیر فیصلہ دیا گیا لیکن ہمیں اس نظام میں رہتے ہوئے ہر پاکستانی عدالت کا فیصلہ منظور ہے۔
