کراچی (اسٹاف رپورٹر) پاکستان ہاکی فیڈریشن نے ایشیا کپ کی تیاری کے لئے 24 کھلاڑیوں پر مشتمل قومی ہاکی تربیتی کیمپ کا اعلان کردیا.قومی ہاکی کیمپ آج سے نیشنل ہاکی اسٹیڈیم لاہور میں منعقد ہوگا اور 2 جون تک جاری رہے گا. اولمپین خواجہ جنید کیمپ مینجر،سیگفرائیڈ ایکمین ہیڈ کوچ, اجمل خان لودھی,اولمپیئن وسیم احمد ,اولیمپیئن سمیر حسین اسسٹنٹ کوچ, عمران شاہ اور عمران بٹ گول کیپنگ کوچ , ندیم لودھی ویڈیو انالسٹ جبکہ عدیل اختر اور محمد اسلم فزیو تھراپسٹ ذمہ داریاں نبھائیں گے.۔ جن 24 کھلاڑیوں کو قومی ہاکی تربیتی کیمپ میں طلب کیاگیا ہے ان میں عبداللہ اشتیاق,گول کیپر(ماڑی پیٹرولیم), اکمل حسین,گول کیپر (واپڈا), مبشر علی(واپڈا) ,عماد شکیل بٹ(نیشنل بینک) , ابوبکر محمود(نیشنل بینک), محمد عبداللہ (ماڑی پیٹرولیم), محمد حماد انجم(واپڈا), ارباز احمد (ماڑی پیٹرولیم), رضوان علی( پاک فضائیہ) , عبدالمنان (سوئی سدرن),عمربھٹہ (واپڈا)رانا عبدالوحید (واپڈا) , غضنفر علی (ماڑی ہیٹرولیم) , محمد سلمان (واپڈا),رومان خان(واپڈا) معین شکیل (واپڈا) , علی شان(سوئی سدرن)جنید منظور(نیشنل بینک)ا عجاز احمد (واپڈا) عبدالحنان شاہد (واپڈا) ,احمد ندیم (ماڑی پیٹرولیم) ,نوہیز زاہد (نیشنل بینک) , رانا سہیل ریاض (سوئی سدرن) اور منیب الرحمن, گول کیپر(سوئی سدرن) شامل ہیں. پاکستان ہاکی فیڈریشن کی جانب سے کھلاڑیوں کو ہدایات جاری کی گئی ہیں کہ وہ کلر، وائٹس شرٹس اور ضروری سامان کے ہمراہ کیمپ مینجر اولمپین خواجہ جنید کو آج سہہ پہر تک رپورٹ کریں۔واضح رہے مزکورہ قومی تربیتی کیمپ ایشیا ہاکی کپ جکارتہ اورکامن ویلتھ گیمز برمنگھم کی تیاریوں کے سلسلے میں منعقد کیا جارہا ہے۔ تاہم فیڈریشن کا میڈیا ڈیپارٹمنٹ ابھی تک چین میں ہونے والے ایشین گیمز کے ملتوی ہونے سے لاعلم ہیں اور انہوں نے پریس ریلیز میں مزکورہ کیمپ میں اس ٹورنامنٹ کی تیاری کے لیے ذکر کیا ہے۔
