ٹھٹھہ (نمائندہ جسارت) شیرازی برادران کے بڑے بھائی سید مقبول شاہ شیرازی کا انتقال ہو گیا نمازِ جنازہ میںسیکڑوں افراد کی شرکت، 3 دن سوگ کا اعلان، پیپلز پارٹی کے سابق صوبائی صلاحکار شیرازی برادری کے رہنما مرحوم سید اعجاز علی شاہ شیرازی اور سابق ضلعی ناظم سید شفقت حسین شاہ شیرازی کے بڑے بھائی سید مقبول شاہ شیرازی انتقال کرگئے، مرحوم پیپلز پارٹی کے منتخب قومی و صوبائی اسمبلیوں کے ممبران سید ایاز شاہ شیرازی سید ریاض حسین شاہ شیرازی اور سید شاہ حسین شاہ شیرازی کے چچا بھی تھے۔ مرحوم کے انتقال پر ٹھٹھہ اور سجاول ضلعوں میں سوگ کی فضا قائم ہوگئی، مرحوم کو ان کے آبائی قبرستان درگاہ شاہ مراد شاہ شیرازی میں سپرد خاک کیا گیا۔
