اسلام آباد: وزیر اعظم شہباز شریف نے کہا ہے کہ پاکستان ٹیکنالوجی کے شعبے میں سرمایہ کاری کے وسیع مواقع فراہم کرتا ہے۔ ان خیالات کا اظہار انہوں نے ہواوے کے مشرق وسطیٰ اور افریقہ ریجن کے صدر ژی جیانگ سے بات چیت کے دوران کہی جنہو ں نے ان سے یہاں ملاقات کی ۔
وزیراعظم نے کہا کہ غیر ملکی ٹیک کمپنیوں کو سرمایہ کاری اور توسیع کے حوالے سے ہر طرح کی سہولت فراہم کی جائے گی۔ موجودہ حکومت آنے والے سال میں پاکستان کی آئی ٹی برآمدات کو 1.5 بلین امریکی ڈالر سے بڑھا کر 15 بلین ڈالر کرنے کا ارادہ رکھتی ہے اور اس کے لیے ہواوے کے ساتھ قریبی تعاون کے نتیجے میں پاکستان کے نوجوانوں کو مختلف طریقوں سے تربیت فراہم کی جائے گی
جس میں یونیورسٹی کا قیام بھی شامل ہے۔ . انہوں نے اس بات پر زور دیا کہ ٹیک سیکٹر میں سرمایہ کاری سے پاکستانی نوجوانوں خصوصاً خواتین کے روزگار اور ہنر میں اضافہ ہوگا کیونکہ حکومت ای کامرس سیکٹر میں خواتین کی تعداد بڑھانے پر توجہ مرکوز کر رہی ہے تاکہ انہیں خود کو تربیت دینے اور سرمایہ اکٹھا کرنے کے لیے موزوں ماحول فراہم کیا جا سکے۔
انہوں نے ایک ہفتے کے اندر مشترکہ کوششوں کو حکمت عملی بنانے کے عمل کو تیز کرنے کی ضرورت پر بھی زور دیا اور مذکورہ مقاصد کے حصول کے لیے حکومت کی جانب سے کوئی کسر نہ چھوڑنے کی خواہش کو اجاگر کیا۔وزیراعظم نے پاکستان کے ساتھ ہواوے کی طویل وابستگی اور ٹیلی کام کے شعبے میں سرمایہ کاری پر اطمینان کا اظہار کیا۔
اس موقع پر ژی جیانگ نے وزیراعظم کا شکریہ ادا کرتے ہوئے پاکستان میں ہواوے کے اقدامات کو فروغ دینے میں دلچسپی کا اظہار کیا۔ ملاقات کے دوران وزیر داخلہ رانا ثناء اللہ، چینی سفارتخانے کی ناظمہ پانگ چنکسو بھی موجود تھیں۔
