دادو (نمائندہ جسارت) وفاقی وزیر ہوابازی اور ریلوے سعد رفیق اور سی ای او پی آئی عامر حیات کی ہدایات پر پی آئی اے بوائز اسکاؤٹ ایسوسی ایشن کے صوبائی کمشنر شعیب احمد ڈاہری کی قیادت میں ملک سلیم اعوان، جاوید رضا، حسن بلال بوائز اسکاؤٹ کے جوان حماس شاہ، طلحہ، حماد، علی اور دیگر نے دادو کی تحصیل میہڑ کے علاقے فرید آباد میں آتشزدگی متاثر گاؤں فیض محمد چانڈیو میں پہنچ کر متاثرین سے تعزیت کی۔ اس موقع پر انہوں نے 300 سے زائد افراد میں امدادی سامان جس میں کھانے پینے کی اشیاء کپڑے ٹینٹ اور دیگر سامان تقسیم کیا اور آگ سے جلنے والے گھروں سمیت پورے گاؤں کا جائزہ بھی لیا۔ اس موقع شعیب احمد ڈاھری نے کہاکہ اس اندوناک واقعے پر دلی صدمہ ہے۔ وفاقی وزیر ہوابازی و ریلوے سعد رفیق اور سی ای او پی آئی اے عامر حیات خصوصی ہدایت پر متاثرین سے تعزیت کرنے اور امدادی سامان تقسیم کرنے کے لیے ٹیم کے ہمراہ گاؤں پہنچے ہیں اور 300 سے زائد افراد میں کھانے پینے کی اشیاء عید کے کپڑے ٹینٹ اور دیگر سامان تقسیم کیا گیا ہے۔ اس موقع پر متاثرین نے پی آئی اے کی جانب سے دکھ میں شریک ہونے اور امداد پہنچانے پر شکریہ ادا کیا۔
