کراچی (اسٹاف رپورٹر)سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو نے وزیراعظم شہباز شریف اور ان کے وفد پر مسجد نبوی میں نعرے بازی کیے جانے پر واقعے کی شدید مذمت کی ہے۔ آصفہ بھٹو زرداری نے اپنے ٹوئٹ میں کہا کہ مسلمانوں کے مقدس ترین مقام مسجد نبوی میں سینئر وزرا پر شرمناک حملے کی مذمت کرتی ہوں۔انہوں نے کہا کہ عمران خان کی بڑھتی ہوئی انا کو تسکین دینے کے لیے تحریک انصاف کی جانب سے عدم برداشت اور تفرقہ بازی کو ہوا دی جا رہی ہے جو پاکستان کو انتہائی تاریک راستے پر لے جا رہی ہے۔
