کراچی (اسٹاف رپورٹر) کراچی سمیت ملک بھر میں فرزندان اسلام آج بیت المقدس سے اپنی والہانہ عقیدت اور مظلوم فلسطینیوں سے اظہار یکجہتی کے طور پر یومِ القدس منائیں گے۔ ملی یکجہتی کونسل پاکستان نے بعد نماز جمعہ ملک گیر اظہار یکجہتی و القدس ریلیوں کی اپیل کی ہے۔ جماعت اسلامی کے امیر سینیٹر سراج الحق، صاحبزادہ ابوالخیر محمد زبیر، علامہ ساجد نقوی اور علامہ راجا ناصر عباس نے القدس ریلیوں کا اعلان کیا ہے۔
