کراچی (اسٹاف رپورٹر)بلدیہ ٹاؤن رمضان فیسٹول ہاکی ٹورنامنٹ کا فائنل میچ ال فیصل ہاکی کلب اور بلدیہ ٹیپو اینڈ ارشد ٹائیگرز کے درمیان کھیلا گیا۔ جس کو ال فیصل ہاکی کلب نے 7 کے مقابلے میں 11 گول سے جیت لیا۔ال فیصل کی طرف سے رانا عبداللہ نے5، رانا ارزم اور عمران نے 2,2 اور رانا نزاکت اور ذیشان کے ایک، ایک گول جبکہ بلدیہ ٹائیگر کی طرف سے بابر خان تنولی اور وقار نے 2,2 جبکہ اسد جاوید،حمزہ، اور منصور نے ایک، ایک گول کیا۔تیسری پوزیشن کے میچ میں بلدیہ ایگلز نے ناظم آباد مجاہد اورنج کو 7 کے مقابلے میں 5 گول سے شکست دی۔بلدیہ ایگلز کے گول لیاقت اور دلشاد نے2,2 جبکہ بلال نے 3گول کیے جبکہ ناظم آبا د مجاہد اورنج کے گول مہدی اور تنویر نے2,2 جبکہ حنیف نے ایک گول کیا۔گریس فُل گرامر ہائی اسکول سسٹم کے زیرِ اہتمام کھیلے گئے ٹورنامنٹ کے فائنل میچ کے مہمانِ خصوصی 31 ونگ سچل رینجرز کے ونگ کمانڈر کرنل شاہد افضل خان اور ٹورنامنٹ ڈایئریکٹر سلیم نے انعامات تقسیم کیے۔ ٹورنامنٹ میں ونر اور رنر ٹیم کو کیش پرائز بھی دیے گئے ۔ ٹورنامنٹ کے بہترین پلیئرز کا اعزاز رانا ارزم اور اسد جاوید نے حاصل کیا اس موقع پر بلدیہ ٹاؤن ہاکی کلب کے پیٹرن انچیف سلیم،صدر شاہد نذیر، اظہر حسین، حمید بھائی، ساجد حسن، اور دیگر پلیرئرز اور آفیشل بھی موجود تھے۔
