جھڈو(نمائندہ جسارت) عید سے قبل عوام کو سستی چینی کی فراہمی کے سندھ حکومت کے اقدامات کے تحت جھڈو میں بھی تحصیل انتظامیہ کے تعاون سے ڈگری شوگر مل کے انتظامیہ نے سستی چینی کا اسٹال لگایا گیا،جہاں شہریوں کو 75روپے کلو چینی فراہم کی گئی۔اس موقع پر ڈگری شوگر ملز کے اسسٹنٹ جنرل منیجر رفیق واہلا بھی موجود تھے، اور مختار کار جھڈو میر مظہر بھی موجود تھے۔ سستی چینی اسٹال سے عوام نے بڑی تعداد میں استفادہ کیا۔اس موقع پر اسسٹنٹ منیجر محمد رفیق واہلا نے کہا کہ حکومت سندھ کی ہدایات پر تعلقہ ڈگری اور جھڈو کے مختارکار آفس میں اسٹال لگائے گئے ہیں جہاں سے عوام مارکیٹ سے 5روپے کم میں سستی چینی خرید سکتے ہیں۔یہ اسٹال رمضان المبارک کے مہینے تک جاری رہیں گے تاکہ عوام اس سے فائدہ حاصل کرسکیں۔
